CONCURSO POSTAIS DE NADAL

Hoxe entregamos os premios do concurso de postais convocado pola Biblioteca. Das catro gañadoras, dúas son participantes do Club de Lectura de Manga. Aquí posan coas súas creacións.

Sandra e Alma de 2º ESO B

PARABÉNS!

LECTURAS DO PRIMEIRO TRIMESTRE

No primeiro trimestre lemos os seguintes libros:

Novela grupo 1, 2: A curva da pantasma. Fran Alonso.

As lendas urbanas tamén forman parte da rica tradición oral que deu lugar á literatura. Hoxe desenvólvense nun contexto moderno e transmítense por medio das novas tecnoloxías, pero ao mesmo tempo teñen moita historia. Partindo da estrutura e do espírito das lendas urbanas, Fran Alonso reescríbeas desde o presente en "A curva da pantasma", sen renunciar ao medo e ao misterio como motor da narración. A través delas, aborda temas como o consumo de alcohol, o machismo, os incendios forestais, o acoso escolar, a verdade e a mentira, as relacións na adolescencia, as redes sociais, a diferenza, a exclusión, a posverdade ou o propio papel da literatura.

Novela grupo 3: A lebre mecánica. Ledicia Costas.

As cousas entre Nana e Corvo ultimamente non van nada ben. Conseguiran construír un mundo onde compartían todo: películas, música, manga, videoxogos... Non querían separarse nunca. Mais iso era antes. Agora Corvo desaparece durante horas e non conta onde vai. Cando Nana lle pregunta que lle pasa, enfádase. No seu grupo de amigos ninguén comprende que lle sucede. Desde que empezou a ir en serio coas apostas semella outro. O que antes era pura diversión converteuse nun pesadelo. Case sen decatarse, Corvo acaba metido nunha rede de problemas da que semella imposible saír.

Novela grupo 4 (3º PDC): El sueño de Berlín. Ana Alonso e Javier Pelegrín.

Ana é unha adolescente con TOC (trastorno obsesivo compulsivo). Cando Bruno, o seu compañeiro de clase, se decata do problema, intenta axudala. Con moito ímpetu, pero tamén con descoñecemento,  a animará a que se apunte á viaxe de fin de curso e poida cumprir un dos seus soños: visitar en Berlín a cabeza de Nefertiti. Por outro lado, a vida familiar de Ana non está exenta de tensións. O seu pai anímaa para que sexa como as rapazas da súa idade, mentras que a súa nai quere que se medique e a sobreprotexe.Unha novela de superación persoal escrita con honestidade, que chegará ao corazón dos lectores.

Literatura feminista 2: A cabeza de Medusa. Marilar Aleixandre.

Unha festa de disfraces acaba de madrugada nun camiño afastado onde Sofía e Lupe son violadas. Durante os días que seguen descubrirán que, como a Medusa, moitos non se atreven a miralas en fite. Son elas quen deben avergoñarse? Iso non ocorrería se non levasen minisaia? É mellor non denunciar, non procurar complicacións? Inspirada no mito de Medusa, castigada despois de ser violada a levar serpes por cabeleira. Dende a mesma noite da agresión vai comezar para as dúas mozas o pedregoso camiño da busca da xustiza. Debateranse entre sucumbir e cargar coa lousa que algúns queren pousar sobre elas ou aferrarse a aqueles que as alentan a seguir na procura da propia dignidade e do dereito a superar o sucedido.

Literatura feminista 1: Maldito amor. Marta Rivera de la Cruz e Carmen Loureiro.

O noso corazón é máis complexo do que pensamos. Maldito amor son dez relatos de amor que se centran, cada un deles, nun aspecto relevante das relacións sentimentais e as emocións amorosas: ciumes, enamoramento, infidelidade, dependencia, incomunicación, desamor, compromiso, ruptura, pasión... Cada relato vai acompañado dunha análise feita por un especialista en intelixencia emocional.

Manga 1: Neste trimestre lerán esta serie.

Continúan coa serie que comezaron no último trimestre do curso pasado.

Manga 2: Neste trimestre lerán esta serie.

Manga 3: Neste trimestre lerán esta serie.

CONCURSO CONTACONTOS SAMAÍN

O 31 de outubro no recreo tivemos o concurso de Contacontos do Samaín. O alumnado participante contou as súas historias e os mellores acadaron premios como unha subscrición a Spotify e un vale para a cafetería.

O venres 10 de novembro, durante a celebración do Magosto, entregamos os premios aos gañadores.

Laura carballo de 2º ESO do club de novela 1

Sandra Sotelino de 2º de ESO do club de manga 2

Laura Álvarez de 1º BACH do club de manga 3

NORABOA A TODO O ALUMNADO AGRACIADO!

A CURVA DA PANTASMA

O alumnado do Club de Lectura de Novela reúnese para comentar o libro: "A curva da pantasma"

DATAS DO PRIMEIRO TRIMESTRE

Publico as datas das reunións do primeiro trimestre. 

28 DE SETEMBRO. INAUGURACIÓN DO CLUB DE LECTURA

O xoves 28 de setembro inauguramos o Club de Lectura coa participación de todo o alumnado que vai asistir aos distintos grupos que temos organizado. A partir da próxima semana comezamos as reunións. 

             Benvidos a todos!

INAUGURACIÓN DO CLUB DE LECTURA

 

CLUB DE LECTURA 2023-24

O club de lectura do IES Pazo da Mercé comezou  un novo curso escolar. O alumnado interesado en participar nas actividades do Club comunicáronse coa coordinadora para escoller o seu xénero favorito. Este ano organizamos os seguintes grupos: teatro, novela, poesía, cómic manga e literatura feminista. Continuamos cun grupo de PDC e os dous de FPB despois do éxito dos cursos anteriores.

SAÍDA AO CINE

O venres 16 de xuño o alumnado do Club de Lectura asistiu a unha sesión matinal de cine. A película escollida foi: Spiderman. Cruzando el multiverso.

Pola tarde o alumnado visitou dúas tendas de cómic e unha librería para mercar algúns títulos do seu agrado.

VISITA PILAR ORTEGA

Onte visitou a nosa Biblioteca a escritora Pilar Ortega, autora do libro "O segredo de Al'eume". O alumnado do Club de Lectura de novela 1 leu esta obra no terceiro trimestre.

A autora, profesora de tecnoloxía dun instituto de Vigo, respondeu as preguntas dos nosos rapaces e rapazas e explicounos como compaxina a súas dúas vocacións, que a priori parecen tan dispares: a tecnoloxia e a escritura.

Ao final da sesión recibiu un agasallo pola súa asistencia.

CONMEMORACIÓN DO DÍA DAS LETRAS GALEGAS

O martes 16 de maio conmemoramos no noso Centro o Día das Letras Galegas cun acto que comezou coa lectura da biografía do escritor Francisco Fernández del Riego, homenaxeado este ano, por un alumno de 1º de ESO. 

Despois o alumnado, do Club de Lectura de Manga e Feminismo, de 3º de ESO leu varios poemas das 5 mulleres homenaxeadas no día das letras, reclamando máis presenza de escritoras galardoadas con este recoñecemento. Ademais o alumnado de 1º de ESO fixo uns carteis coa biografía e as obras máis destacadas destas escritoras e os sostiveron durante a celebración. Catro destas 5 rapazas pertencen ao Club de Lectura de Manga.

Por último 3 alumnas e un alumno de 4º de ESO e 1º de Bacharelato, pertencentes ao Club de Lectura de poesía e manga, interpretaron o himno galego. 

CHARLA COLOQUIO MANUEL NÚÑEZ SINGALA

O xoves 11 de maio o alumnado de 2º, 3º e 4º de ESO asistiu a unha charla co escritor Manuel Núñez Singala, gañador do premio dos clubs de lectura deste ano.

O alumnado do Club de Lectura de novela 2 leu, no terceiro trimestre, a obra Menú de enganos. 

O alumnado de 2º PMAR e FPB1 leron, no Club de Lectura, a obra de teatro Atranco no banco.

LECTURAS DO TERCEIRO TRIMESTRE

 No terceiro trimestre lemos os seguintes libros:

Teatro: Antoloxía de textos teatrais. Varios autores.

Novela grupo 1: O segredo de Al'eume. Pilar Ortega Pereiro.

Despois do accidente en bicicleta da súa irmá Teba, nunha visita ao Mosteiro de Caaveiro, Xiana ve como os seus problemas van en aumento e conseguir os cartos para a carísima operación da nena convértese no obxectivo familiar. Presionada polo segredo que agocha en relación co accidente, embárcase, xunto coa súa amiga Lúa, na procura dun suposto tesouro, tras o que andan tamén o seu tío, uns investigadores da Universidade de Oxford e un compañeiro de instituto. Quen conseguirá dar co tesouro de Al'eume?

Novela grupo 2: Menú de enganos. Manuel Núñez Singala.

Velaquí un dos libros máis sorprendentes de todos cantos se teñen publicado na nosa lingua nos últimos anos. Literatura á carta. Unha carta literaria. Literatura con sabor.

Historias gorentosas para darlle gusto ao noso padal. Contos para comer, para mastigar de vagar, para gozar e repetir. Un menú completísimo. Dieta de palabras absolutamente perfecta.

Este libro contén varios contos

Literatura feminista: O único que queda é o amor. Agustín Fernández Paz.

Hai unha trama de fíos invisibles que une as vidas dos personaxes deste libro de relatos de Agustín Fernández Paz, ilustrado por Pablo Auladell: Diana, Sara, Pablo, Laura, Adrián. todos se namoran e descobren que o amor é un sentimento poderosísimo, capaz de transformalos por enteiro e facerlles a vida doutro xeito. Mais tamén experimentan a amargura do desamor, ou da ausencia, ou dos amores rotos. O amor en todas as súas variantes: desde o primeiro amor adolescente ata que se mantén máis alá da morte. E sempre, os libros como compañeiros da aventura do amar. 

Manga 1: Neste trimestre lerán esta serie.

Manga 2: Neste trimestre lerán esta serie.

Manga 3: Neste trimestre lerán esta serie.

Poesía. Antoloxía de poemas de Pablo Neruda.

Veinte poemas de amor e unha canción desesperada é unha das máis célebres obras do poeta chileno Pablo Neruda. Publicado en xuño de 1924, o poemario lanzou a fama ao autor con apenas 19 anos e é unha das obras literarias máis importantes do século XX en español.

Literatura 2º PMAR. Atranco no banco.  de Manuel Núñez Singala.

Hai atracos e hai atracadores, pero poucos tan zoupóns, trapalleiros e inútiles como os que tentan roubar o banco nesta divertida comedia que tes nas mans, como non podía ser doutra maneira se o autor é Manuel Núñez Singala.

Un dúo de ladróns sen vocación, un director de banco máis delincuente que os propios atracadores, unha secretaria que parece inxenua pero non o é tanto. Personaxes que fían unha disparatada trama na que a risa está máis que garantida.

E tamén, como é norma do autor, unha obra que nos vai facer pensar, entre gargallada e gargallada, aínda que só sexa un pouquiño.

Literatura FPB1. Lecturas de textos de varios autores.

CARTA DE UNA DESCONOCIDA

O alumnado do Club de Lectura feminista realizaron unha actividade consistente no visionado da película "Carta de una desconocida" del director Max Ophuls con Louis Jourdan e Joan Fontaine como protagonistas.

Esta actividade consistía en comparar a película co libro de Stefan Zweig que leron no primeiro trimestre, comentar as diferencias entre o filme e o libro e destacar a calidade do cine clásico en blanco e negro, unha asignatura pendente da xuventude actual.

DÍA DO ACOSO ESCOLAR

Hoxe celebramos o Día do acoso escolar. O alumnado do Club de Lectura de novela 2 leu o libro: O que sei do silencio que trata este tema tan importante. Na reunión de hoxe reflexionaron sobre o que supón calar cando presenciamos algún episodio de acoso escolar e a presión que sofren os testigos dese acoso por medo a perder o seu estatus frente ao grupo, por eso entendían o silencio da protagonista. Pero estaban de acordo que non estivo ben o que fixo e que debería ter denunciado os feitos.

VISITA AO CENTRO DE DÍA

O alumnado de 3º ESO B do Club de Lectura de Manga e Feminismo visitou o centro de Día das Neves para ler poemas e contar contos. Os rapaces e rapazas compartiron momentos emotivos cos maiores e prometeron volver outro día. Moitas grazas a este marabilloso alumnado que temos no noso Instituto e as responsables do Centro de Día.

CONCURSO DE DEBUXO CALENDARIO LITERARIO

O mércores 19 de abril celebramos no noso Centro o Día do Libro coa entrega de premios do concurso de debuxo artístico para elaborar un calendario literario. Todos os gañadores son alumnos e alumnas do Club de Lectura.

DATAS DO TERCEIRO TRIMESTRE

 Publico as datas das reunións do terceiro trimestre.

ESOPÍAS DA IGUALDADE

Este ano o departamento de matemáticas convocou un concurso para que o alumnado elaborara "Esopías da igualdade". A Esopía é un relato, comentario ou poema, cun máximo de 141 caracteres, onde cada palabra leva un número de letras igual ás sucesivas cifras do número π.

Unha das gañadoras pertence ao Club de Lectura de Manga.