LECTURAS 1º TRIMESTRE

Neste 1º trimestre lemos os seguintes libros:

Novela negra: La chica del tren.

Estabas no tren das 8.04? Viches algo sospeitoso? Rachel, si.

Rachel toma sempre o tren das 8.04 h. Cada mañá o mesmo: a mesmo paisaxe, as mesmas casas?  e a mesma parada no sinal vermello.

Son só uns segundos, pero que lle permíten observar a unha parella almorzando tranquilamente na súa terraza. Sente que os coñece e inventa uns nomes para eles: Jess e Jason. A súa vida é perfecta, non como a súa. Pero un día ve algo. Acontece moi deprisa, pero é suficiente. E se Jess e Jason non son tan felices como ela cre? E se nada é o que parece?

Ti non  a coñeces. Ela a ti, si.

 E se che gusta o libro podes volver gozar da historia vendo a película da que te ofrecemos un adianto.

Novela romántica: El año de la venganza.

Tras un ano desastroso, Valentina é forzada a cambiar de escola. Ten unha nova oportunidade de confrontar os seus medos e complexos. Todo parece ir ben, novos amigos, boas notas, e mesmo aprende a manexar o divorcio dos seus pais. Ata que dous secuestros ocorren no seu contorno. Pero ela ten unha sospeita, e está disposta a descobrir ao culpable.

Novela romántica: Rebeca.

Os alumnos de 2º de Bacharelato leron este libro que xa o traballaron algúns alumnos de Bacharelato no ano 2014. Na entrada do 30 de marzo do 2014 tedes máis información sobre esta novela e a película baseada no libro.

Cómic: El invierno del dibujante.

Paco Roca investiga en El invierno del dibujante a saída dos autores estrela da editorial Bruguera para fundar, en tempos escuros, unha revista que lles fixera máis libres.

Teatro: O achado do castro.

O autor lévanos a Roma antiga, máis faino xogando coa lingua obrigando a que os personaxes falen coma nós, con termos de hoxe en día, o que nos leva a situacións moi cómicas dende un "latín" un chisco especial. Como boa historia romana, hai un emperador, que é de todo menos espelido, soldados, filósofos barbudos e sabios, e... unha historia de amor. Humor, situacións inuaditas e, sobre todo, unha lectura engalioante.

Poesía: Antoloxía de poemas de Miguel Hernández e Manuel María.

CÓMIC MANGA

O Club de Lectura adquiriu a finais do curso pasado varias coleccións de Cómic Manga para os alumnos interesados no tema. 

A continuación podedes consultar esta relación de lecturas:

El autobús del amor. Maki Usami. 4 tomos.

El autobús del amor componse dun total de dezaseis historias protagonizadas por diferentes personaxes. Todas elas son historias diferentes, pero cun mesmo nexo común: o autobús como o escenario no que os personaxes viven os seus romances.

Monster Hunter Orange. Hiro Mashima. 4 tomos.

Shiki, o cazador que porta as espadas duales do vento, está decidido a seguir as ensinanzas de Gurelli, o seu maestro. A fermosa e letal cazador Irie acaba acompañándole na súa viaxe, unidos por un vínculo do pasado. Este cómic é a adaptación dun viedoxogo.

Marmalade Boy. Wataru Yoshizumi. 6 tomos.

Todo comeza cando os pais de Miki lle comunican que se van divorciar. Coñeceron outro matrimonio, o amor xurdiu entre eles e decidiron intercambiar as parellas. Van vivir todos xuntos nunha mesma cosa: as dúas novas parellas, Miki e o guapísimo fillo adolescente dos Matsura, Yü.

Random Walk. Wataru Yoshizumi. 3 tomos.

Yuka Kunimoto é unha rapaza de 15 anos que se muda ao piso contiguo ao habitado polo seu pai pois este casou por terceira vez e Yuka quere concederlle intimidade a el a a súa nova esposa. Seguindo os consellos do pai para ser no futuro unha muller moderna e atractiva, Yuka pretende atopar o gran amor da súa vida tendo varios mozos aínda que teña que contar con eles e sufrir. Apoiada polos seus amigos Touko, Hiro e Katsura, que tamén desexan atopar o amor, e os consellos do seu medio irmán Towa, Yuka propoñe cumprir o seu soño.

O CLUB DE LECTURA REÚNESE DE NOVO

Os alumnos veteranos do club de lectura volveron a reunirse e deron a benvida aos alumnos novos. Ademais escolleron o seu xénero favorito. Houbo un grupo importante de lectores que escolleron a poesía, aínda que predomina a novela romántica e de misterio. 

Na foto aparecen algúns dos alumnos do club. Outros son tímidos e non quixeron posar.
A foto foi realizada por Iván Nicolao.

Continuando coa homenaxe a Cervantes, dúas alumnas do club de lectura de 1º de ESO elaboraron un vídeo.

CONCURSO LITERARIO HOMENAXE A CERVANTES

Co gallo do cuarto centenario da morte de Cervantes, convocamos un concurso literario para os alumnos do centro.

O venres 27 de maio entregamos os premios aos gañadores.

1º premio:

Lucía Gil Rodríguez de 1º de BACH.
Alba Pino Gregores de 3º ESO

2º premio:

Raúl Ubeira González de 4º ESO
Rubén Vidal Costas de 1º ESO

3º premio:

Francisco Acuña da Costa de 4º ESO
Brais Rocha Moldes de 3º ESO

Premio especial para Óscar Rodríguez Rodríguez de 1º ESO

VISITA Á CASA DO LIBRO

O día 25 de abril, o Club de Lectura visitou a Casa do Libro en Vigo. Para coller forzas, os alumnos  pararon a tomar un chocolate con churros nunha coñecida cafetería viguesa.

LECTURAS PARA A 3ª AVALIACIÓN

Estamos no final! Nesta avaliación tócanos ler os seguintes libros:

Vestido de novia, Pierre Lamaitre.

Sophie Duguet non entende que lle sucede: perde obxectos, esquece situacións, é detida nun supermercado por pequenos roubos que non lembra ter cometido. E os cadáveres comezan a acumularse ao seu redor...

Non podemos desvelar nada máis deste thriller para así manter intacto o escalofriante pracer da lectura e a aditiva búsqueda da verdade por parte do lector.

O Hobbit, J. R. R. Tolkien

 Un grande clásico moderno e o preludio das vastas e poderosas mitoloxias de O Señor dos Aneis.Smaug parecía profundamente durmido cando Bilbo espiou unha vez máis desde a entrada. Pero finxía estar durmido! Estaba vixiando a entrada do túnel!... Sacado do seu cómodo burato-hobbit por Gandalf e unha banda de ananos, Bilbo atópase de súpeto no medio dunha conspiración que pretende apoderarse do tesouro de Smaug o Magnifico, un enorme e moi perigoso dragón.


Se vos gustou o libro podedes seguir gozando coas súas aventuras na película da que vos mostramos o tráiler.

 Inés de Castro, María Pilar Queralt del Hierrro.

 

Para moitos historiadores, Inés de Castro foi unha muller hábil e intrigante, movida pola ambición e en cuxo entorno urdíronse intrigas políticas e intereses palaciano. Para poetas e dramaturgos, unha dama belísima que viviu unha das pasixóns máis arrebatadas da historia. Por todo iso, a súa figura segue rodeada de misterio e a súa lenda continúa fascinando a todos. María Pilar Queralt narra con viveza e axilidade a vida dunha muller que viviu con paixón a amizade, a fortuna e a desventura; a lenda dunha muller que reinou despois de morta. Para impedir que Inés de Castro subira ao trono, o pai do infante Pedro ordenou asasinala. Este feito orixinou unha guerra civil entre pai e fillo. Unha vez que Pedro foi Rei ordenou coroar á súa raíña despois de morta. A autora retrata a conmovedora historia dun amor que venceu á morte. Un libro apaixoante desde o principio ao final. Enlázanse de forma maxistral dúas épocas do pasado que nos mantenñen en vilo ata o desenlace. O relato enmárcase en pleno Século de Ouro, con personaxes como Lope de Vega. A obra máis coñecida e famosa de María Pilar de Queralt. 

 Sherlock Holmes. O perro de Baskerville, Arthur Conan Doyle.

Unha das máis populares aventuras do detective privado Sherlock Holmes. Nela, Holmes e Watson son chamados a investigar os estraños crímes aparentemente relacionados cunha antiga maldición que pesa sobre a familia dos Baskerville. O famoso detective verase envolto nun laberinto de antigas supersticións e escuras vinganzas, dentro do escenario ameazador dos páramos de Dartmoor (Inglaterra).

CHOCOLATADA NO ENTROIDO DO PAZO

Que bo estaba o chocolate!!!!!
Este ano,celebramos o entroido cunha gran chocolatada,nela apareceron personaxes de distintas épocas como uns reis do século XIV, minions, a carapuchiña vermella,...

Lecturas da segunda avaliación

Neste trimestre adentrarémonos na antigüidade para resolver uns asasinatos: El asesinato de Pitágoras de Marcos Chicot e Ollos de auga de Domingo Villar.


O ancián filósofo Pitágoras, un dos personaxes con máis poder da súa época, está a punto de escoller un sucesor entre os grandes mestres cando na súa comunidade se inicia una serie de asasinatos. Tras os crimes se ve unha mente escura e poderosa que parece superar ao mesmo Pitágoras. A enigmática Ariadna e o investigador exipcio Akenon tratarán de descubrir quen é o asasino á vez que resolven os seus propios sentimentos. Un reto no que os fantasmas do pasado únense ás escuras ameazas do presente.

 Na torre da illa de Toralla, en plena ria de Vigo, aparece o cadáver dun saxofonista. O asasinato, dunha crueldade e sangue frío inusitados, vai ser investigado por Leo Caldas, inspector de policía que busca o seu lugar no mundo e que, ademais do seu traballo na comisaria, intervén nun consultorio radiofónico ao que os cidadáns se achegan coas queixas mais diversas. O seu axudante, Rafael Estévez, e un aragonés destinado na cidade, un elemento estraño en terra hostil cun carácter demasiado impetuoso para os seus novos veciños. O caso desenvolverase entre o ambiente cálido e nocturno dos clubs de jazz e a atmosfera tensa e afectada da alta burguesía viguesa. Novela policial salferida de humor e con grandes doses de suspense, Ollos de auga sitúa ao seu autor na liña de escritores que, coma Andrea Camilleri e Henning Mankell, renovan o xénero negro desde Europa cunha obra na que o interese da narración se ve acrecentado por unha visión critica da sociedade. Na obra de Domingo Villar conviven certa melancolía coa ledicia da musica e o viño branco. Unha historia de misterio zarrapicada de ironía, unha intriga retranqueira, unha novela negra en cores.

Descubriremos o amor con Palmeras en la nieve de Luz Gabas, en 1º de Bacharelato e  En nombre del amor de Nicholas Sparks para 1ª da ESO.

       Só un amor eterno podía dar voz ao esquecemento. É 1953 e Kilian abandona a neve da montaña oscense para iniciar co seu irmán, Jacobo, a viaxe de ida cara a unha terra descoñecida, afastada e exótica, a illa de Fernando Poo. Nas entrañas deste territorio exuberante e  sedutor, espérao seu pai, un veterano da finca Sampaka, o lugar onde se cultiva e tosta un dos mellores cacaos do mundo. Nesa terra eternamente verde, cálida e voluptuosa, os irmáns descobren a lixeireza da vida social da colonia en comparación cunha España encorsetada e gris; comparten o duro traballo necesario para conseguir o cacao perfecto da finca Sampaka; aprenden as diferenzas e similitudes culturais entre coloniais e autóctonos; e coñecen o significado da amizade, a paixón, o amor e o odio. Pero un deles cruzará unha liña prohibida e invisible e namorarase perdidamente dunha nativa. O seu amor por ela, enmarcado nunhas complexas circunstancias históricas, e o especial vínculo que se crea entre o colono e os nativos da illa transformarán a relación dos irmáns, cambiarán o curso das súas vidas e serán a orixe dun segredo cuxas consecuencias alcanzarán o presente. No ano 2003, Clarence, filla e sobriña dese par de irmáns, levada pola curiosidade do... 

  Un home debátese ante a decisión máis importante da súa vida.Travis Parker ten todo o que un home poda desexar: un bo traballo como veterinario, amigos fieis e, incluso, unha casa diante dun lago nunha pequena localidade de Carolina del Norte. Gústalle a vida e aproveitala ao máximo, aínda que hai algo que se resiste a probar: namorarse. Pero semellante propósito desaparece por completo no momento que coñece a Gabby Holland. Gabby é unha asistente pediátrica que se acaba de mudar ao barrio de Travis.El intentou ser un bo veciño, invitala ás súas grelladas e a pasar o día cos seus amigos na súa lancha, pero ela resistiu cada un dos intentos do seu guapísimo e encantador veciño, en parte porque lle sería demasiado fácil sentirse atraída por el. E iso seria un problema porque Gabby ten noivo.                                                                           

 Dous libros que compararemos coas películas, que veremos proximamente.


                                                                                                    

Mentres lemos o libro, podemos gozar da banda sonora da. película na voz de Pablo Alborán

O alumnado de 2º ESO vai intentar resolver un crime en Roma.

Manio, un mozo aristócrata, regresa a Roma desde Capadocia, onde loitou contra os partos. Á súa volta é recibido polo seu pai, e ambos esperan que Manio sexa nomeado de inmediato tribuno do exercito. Pero a felicidade polo regreso e os plans para o futuro se vén truncados cando o pai de Manio é asasinado. O mozo convértese no principal sospeitoso e enfróntase a un proceso por parricidio no que só conta coa axuda da súa noiva, a fermosa Claudia. O lector, ao acompañar a Manio nas súas peripecias, entrará en contacto coa vida en tempos do imperio romano e descubrirá, entre outras moitas cousas, como vivían os aristócratas e aos escravos, cales eran os costumes culinarios ou como se honraba aos mortos.

E... marchamos de aventuras con Julies Verne e Gonzalo Moure!

O profesor Otto Liddenbrock viaxa ao centro da Terra guiado por un misterioso pergamiño do século XII, do sabio islandés Arne Saknussem. Na aventura acompáñano o seu sobriño Axel e o guía Hans. Os tres entran por un volcán cara ao interior da Terra, onde sufrirán unha serie de peripecias e descubrirán un asombroso mundo mezosoico enterrado nas profundidades. É unha das novelas máis imaxinativas de Jules Verne, na cal transcende o seu habitual apego ao científico para describir a posibilidade dun mundo alternativo primitivo baixo os nosos pés. Hai incluso quen pretende ver claves esotéricas nos argumentos e personaxes, aspecto simbólico que posiblemente nunca sexa descifrado por completo.

 Un científico, dúas mozas e unha pescadora de auroras boreais investigan por que se suicidan os golfiños. Sen embargo, descubrirán algo moito máis transcendente que significa a morte para a nosa civilización.Unha emocionante aventura encadeada a través dos séculos e os continentes onde dous mozos condutores de caravanas e dous fuxitivos de la las ruínas e o caos loitarán por devolver o alimento dos deuses á humanidade.