INAUGURACIÓN DA NOVA BIBLIOTECA

O 23 de Febreiro, Día de Rosalía de Castro inauguramos a nova Biblioteca do noso Centro. Foi unha xornada moi especial para toda a Comunidade Educativa.

A inauguración co alumnado celebrámola no recreo e comenzamos coa lectura do Manifesto que publicou a Asociación de Escritoras e Escritores en Lingua Galega para este día. Tres alumnas e un alumno de 2º de ESO, integrantes do club de lectura de Manga, foron os encargados da lectura.

Despois a Coordinadora da Biblioteca dirixiu unhas pequenas palabras ao auditorio destacando a mellora que supón esta reforma que cambia o modelo de Biblioteca convencional por outro máis dinámico, xa que a Biblioteca Escolar non pode ser un almacén de libros nin só un lugar de préstamo de exemplares, ten que ser tamén un lugar de encontro para o alumnado, profesorado e toda a comnidade educativa. Por iso creamos un lugar diáfano con moito espazo para a realización de actividades e onde o alumnado se sinta a gusto. Tamén acondicionamos un lugar específico para que os membros do Club de Lectura poidan reunirse. Alí temos os Cómics e os libros de feminismo, igualdade e diversidade.

Convocamos un concurso de redacción para que o alumnado escribise os seus sentimentos sobre a biblioteca e entre todos os participantes sorteamos dous lotes de libros. As agraciadas foron dúas alumnas de 2º de ESO, Enma, do club de lectura de Manga é Saleta, do club de lectura de Feminismo. 

Cova, unha alumna de 2º ESO A, integrante do club de Feminismo, recibiu unha mención especial pola súa marabillosa redacción, recibiu un vale para mercar libros e deleitounos coa lectura do seu traballo.

O alumnado participante no concurso tamén recibiu un agasallo.

Despois cortamos unha cinta vermella e quedou oficialmente inaugurada a Biblioteca Rosalía de Castro do IES Pazo da Mercé das Neves. 

A continuación algúns asistentes asinaron no libro de sinaturas e escribiron as súas reflexións.

Unha hora despois, ás 12:30 inauguramos a Biblioteca coas autoridades. Asistiron o Alcalde das Neves, a Concelleira de Educación, un representante das Bibliotecas Escolares de Galicia e o Xefe Territorial da Consellería de Educación de Pontevedra entre outros. Pero a nosa invitada máis especial foi Sara Vila Alonso, escritora e xornalista, unha antiga alumna do Centro que gañou o Premio Illa Nova de Narrativa coa súa obra: "Oito días sen Eva Cortes"

A directora, Sara Vilas, o alcalde das Neves e o xefe territorial dirixiron unhas palabras aos asistentes, os rapaces e rapazas volveron ler o Manifesto do Asociación de Escritores e Escritoras en Lingua Galega e Cova leu a súa redacción moi alabada por todos os presentes. Sara Vilas, o alcalde das Neves e o xefe territorial tamén quixeron 

A continuación cortamos a cinta vermella coas autoridades e concluímos o evento coa sinatura no libro de recordos.

DATAS DO SEGUNDO TRIMESTRE

 Publico as datas das reunións do segundo trimestre.

FELICITACIÓN DE NADAL

O alumnado de FPB de Ofimática de Oficina 1º e 2º elaborou unhas postais de Nadal para felicitar as festas a todo o noso Instituto que foron expostas na entrada do Centro.

O alumnado empregou follas de calculo en Calc, pintando cela a cela cada unha individualmente, coma se fose pintar pixel a pixel ou tamén chamado coloquialmente "punto de cruz dixital". O alumnado tivo moita paciencia para realizar o traballo por iso todos recibiron un agasallo.

REUNIÓNS CLUB DE LECTURA

Acabamos o primeiro trimestre co alumnado do Club de Lectura. Publicamos fotos dalgunhas reunións celebradas nestes meses. 

Manga 1

Manga 2

Novela 1

Novela 2

Feminismo

Teatro

MELLOR CLASE LECTORA PARA 3º PMAR

O alumnado de 3º ESO PMAR, que pertence ao Club de Lectura, recibiu un agasallo por ser a mellor clase lectora deste trimestre. Na foto posan co profesor do ámbito lingüístico y a súa titora. Falta unha alumna que recibirá o seu agasallo cando se incorpore ás aulas.

VISITA DE IRIA MISA

O xoves 2 de decembro a escritora Iria Misa visitou ao alumnado de 3º PMAR, que pertence ao Club de Lectura, para comentar con eles o seu libro Xa non estou aquí que leron na clase de ámbito socio lingüístico.

 

DÍA INTERNACIONAL CONTRA A VIOLENCIA DE XÉNERO 2021

O día 26 de novembro, o alumnado e profesorado do IES Pazo da Mercé das Neves acudiu a praza do concello para conmemorar con outros centros de ensino da vila o Día Internacional contra a Violencia de Xénero.

Antes o alumnado do Club de Lectura feminista preparou esta efeméride na biblioteca buscando frases para confeccionar uns carteis reivindicativos.

Dúas rapazas do Club de Lectura feminista posan con dúas compañeiras cun dos carteis elaborado por elas.

Tres rapazas do Club de Lectura feminista posa con tres compañeiros con carteis reivindicativos da data que estamos a celebrar.

O alcalde das Neves le un manifesto contra a Violencia de Xénero diante do concello.

LECTURAS PRIMEIRO TRIMESTRE

No primeiro trimestre lemos os seguintes libros:

Teatro: La dama del Alba. Alejandro Casona.

La dama del alba é unha obra melodramática que trata sobre a personificación da morte na figura dunha muller moi fermosa e misteriosa que irrompe no seno dunha familia para transformar a vida dos seus integrantes.

Novela grupo 1: El fabuloso mundo de las letras. Jordi Sierra y Fabra.

Unha novela realista sobre como un neno descobre o gusto pola lectura e la literatura.
A Virgilio non lle gusta ler, e menos en público. Pero un día, non ten máis remedio que facelo, xa que vai un coñecido autor a súa escola. Quizais esta lectura e este encontro sexan o principio da súa nova vida.

Novela grupo 2: Mentira. Care Santos.

Xenia loita por sacar as mellores notas, estimulada pola ilusión de entrar en Medicina, pero últimamente o seu rendemiento académico está baixando. O que ocorre é que Xenia se namorou, pero non dun rapaz do seu redoe, senón dunha pantasma, dunha voz que xorde da Internet e coa que comparte a súa paixón pola lectura. Xenia pretende coñecer o seu amor virtual, pero el non quere concertar unha cita. Entón decide localizalo e presentarse ante el por sorpresa. Cosa poucos datos de que dispón, inicia unha investigación e descobre que todo é mentira; nin a foto nin o nome do rapaz son reais. Cal é a verdadeira identidade da súa alma xemelga? Arrepentida polo abandono dos seus estudos,  confesallelo todo aos seus pais, convencida de que foi vítima dalgún desaprehensivo. Pero, de forma inesperada, recibe un paquete que lle vai revelar a identidade do rapaz co que compartiu as súa máis íntimas emocións. Vén do cárcere. Escribiuna un recluso e conta unha historia que lle vai conxelar o sangue.

Novela Ciencia Ficción: Fahrenheit 451. Ray Bradbury.

Fahrenheit 451 é unha novela distópica do escritor estadounidense Ray Bradbury, publicada en 1953 e considerada unha das súas mellores obras.​ A novela presenta unha sociedad estadounidense do futuro na que os libros están prohibidos e existen «bomberos» que queiman todos os que atopan.

Literatura feminista: Las chicas son de ciencias. Irene Cívico y Sergio Parra. El indulto. Emilia Pardo Bazán.

Con este libro descubrimos a 25 supercientíficas que cambiaron el mundo y demostraron que las chicas son de ciencias. Desde Agnodice, la primera médica conocida de la historia, hasta Rosalind Franklin, la química que descubrió la estructura del ADN, pasando por Vera Rubin, la astrónoma que vio lo que nadie veía, las mujeres han sido pioneras en ciencias desde el inicio de los tiempos. 

Neste libro de Emilia Pardo Bazán recopílanse algúns dos contos máis novedosos da autora galega. No "Indulto", confluyen o drama popular e a denuncia social; no "Talismán" e "Hijo del alma" recurren ao fantástico para cuestionar os límites do coñecemento racional; na "Ganadera" plasma con crudeza a barbarie nunha pequena comunidade costera. Todos os contos reflicten o riqísimo mundo literario e cultural da escritora.

Cómic Manga 1: Neste trimestre cada alumno escolleu un cómic manga dunha obra clásica da literatura universal.

Cómic Manga 2: Neste trimestre leremos 2 series.

Literatura 3º PMAR. Xa non estou aquí. Iria Misa.

Ánxela repite 1º de Bacharelato obrigada polos seus pais. A súa vida sofre un cambio rotundo cando, a comezo de curso, meses antes da súa misteriosa desaparición, coincide con María, que a seduce para integrala nos Murnios, un grupo de hábitos diferentes ao resto de compañeiros e compañeiras. Fascinada pola acollida destas novas amizades, aceptará asumir as arriscadas probas a que os Murnios se autosometen decontino na procura de experiencias vitais extremas que os satisfagan, o que creará momentos de incerteza na feble personalidade de Ánxela, afectada pola incomprensión da súa familia e polo abandono intensamente doloroso da súa parella. Xa non estou aquí é unha novela que fala de sentimentos universais: da necesidade de pertenza a un grupo, do amor, da soidade e da morte... Unha novela coral onde dende diversos puntos de vista se pon de manifesto o cariz tan distinto que pode tomar a realidade dependendo dos ollos de quen a mira.

GAÑADORAS DO CONCURSO QUE FARÍAS ANTES DE MORRER?

A biblioteca do noso centro convocou un concurso para celebrar o Samaín que consistía en que o alumnado debía explicar o que faría antes de morrer?

Dúas alumnas do Club de Lectura de Manga resultaron gañadoras do concurso.

Ariadna e Paz len diante da cámara ás súas propostas, que resultaron gañadoras.