CELEBRANDO O ENTROIDO

O alumnado do Club de Lectura celebra o entroido cunha xuntanza para comer filloas, orellas e un biscoito riquísimo.

O alumnado disfrazouse para a ocasión. 

A profesora do Club de Lectura de Teatro posa cuns alumnos cos que se disfrazou para formar un grupo.   

LECTURAS DO SEGUNDO TRIMESTRE

No segundo trimestre leremos os seguintes libros:

Literatura feminista: Querida Ijeawele. Cómo educar en el feminismo de Chimamanda Ngozi Adichie.

"En lugar de ensinarlle a túa filla a agradar, ensínalle a ser sincera. E amable. E valente. Anímaa a decir o que pensa, a decir o que opina en realidade, a decir a verdade. Dille que, se algo a incomoda, se queixe, grite".

Novela de ciencia ficción:  Frankenstein o el moderno Prometeo de Mary Shelley

Frankenstein é unha das novelas de terror máis famosas de todos os tempos. Conta a historia de Víctor Frankenstein, un científico que logra infundir vida a un ser formado a partir de trozos de cadáveres. Sen medir as consecuencias dese acto, Víctor crea un monstruo. A criatura, que é rexeitada por el e por cantos se atopan no seu camiño, se rebela contra o seu creador e decide vingarse. O terror o invadirá todo...

Amenaza na Antártida de Ramón Caride.

Said e Sheila, os dous irmáns do futuro que xa protagonizaran Perigo vexetal (premio Merlín, 1995) e O futuro roubado, viven aquí unha nova e inquietante aventura. Todo comeza cando descobren unha estraña mortandade de peixes no río que hai preto da súa casa. A procura das causas do desastre ecolóxico lévaos ó descubrimento dun terrible plan promovido por Anatoly Koprissos, un multimillonario grego que pretende dominar o mundo mediante a enerxía nuclear. Ameaza na Antártida é unha magnífica narración, cos ingredientes que caracterizan as mellores novelas e películas de aventuras.

Teatro: Urraca de Raquel Castro.

Cómic: La montaña mágica de Jiro Taniguchi.

"La montaña mágica" é unha fábula sobre a comuñón entre a natureza e a alma humana. Kenichi e a súa irmá, Sakiko, sofren na súa cándida inocencia as dificultades da vida. A prematura morte do pai e, agora, o ingreso no hospital da nai, debido a unha enfermidade grave, afondan no sentimento de abandono e impotencia que padece o apocado e sentimental Kenichi. Pero a aínda temorosa valentía que xermina no seu corazón e se nutre de pura y sincera bondade o levará a abrazar o misterio e a adentrarse no seno da montaña máxica para tratar de truncar a súa ata agora triste sorte. 

Literatura de aventuras (2ºPMAR): Las aventuras de Tom Sawyer de Mark Twain.

"As aventuras de Tom Sawyer narra as andanzas deste famoso adolescente e do seu amigo, Huckleberry Finn, a beira do río Misisipí. A novela está inspirada nos recordos de infancia e da adolescencia do propio autor, plasmados con sinxeleza e cun grande sentido do humor. A obra conseguiu un grande éxito e Tom Sawyer convertiuse rapidamente nun dos personaxes máis importantes e queridos da literatura norteamericana.

Literatura para 3º PMAR, FPB1: Rural de Étienne Davodeau.

Esta é a historia dunha tranquila zona rural. Tras dez anos de traballo, unha parella convertiu unhas vellas ruinas nunha casa preciosa.

Un pouco máis lonxe, tres campesinos novos, convencidos de que outro tipo de agricultura é posible, apostan polo bio. É un lugar realmente fermoso e apacible... ata o día en que reciben a noticia: unha autopista vai pasar por alí.

Literatura para FPB2: Instruccións para tomar café de Manuel Núñez Singala.

Un concentrado de narracións que inclúe, en pouco máis dun cento de páxinas, catro volumes diferentes: un libro de reclamacións, un libro de estilo, un libro de instrucións e un libro de contos. Os temas dos relatos poden dar unha pista, ou se cadra todo o contrario: estes textos están escritos partindo do que parece non ser, condición sine qua non para chegar a ser algo. Entre eles, por exemplo, un "libro de instrucións" para non galegos dirixido precisamente a estes.

Así, algúns títulos que falan de seu: "Cocido familiar", "Amputado", "Gastronomía transfronteiriza", "Poesía oriental", "Instrucións para parecer intelixente", "Instrucións para parecer galego I, II e III", "Instrucións para falar do tempo", "Sacrificio", "Competencia" e "Pro - dutividade". Neste conxunto de relatos indágase sobre nós mesmos, sobre o que nos fai grandes como seres humanos e tamén arredor das nosas mesquindades, sobre o que nos define como persoas e como galegos, e todo isto dende a ironía, cunha perspectiva impregnada de humor e retranca.

LA CASA DE BERNARDA ALBA

O venres 1 de febreiro o alumnado de 4º de ESO e de 2º de BAC asistiu a unha representación teatral da obra de Federico García Lorca "La Casa de Bernarda Alba". 

Catro dos cinco compoñentes do Club de Lectura de Literatura Feminista posaron a saída do teatro con dous profesores.

A obra de García Lorca reflicte unha sociedade tradicional onde a muller está sometida. O alumnado está desexando que nos reunamos para comentar todo o que puideron ver no escenario.  

CLUB DE LECTURA TEATRO

O Club de Lectura de Teatro reúnese para ler unha divertida obra de teatro.

Despois da lectura, chega a actuación dos actores. Ao alumnado encántalle participar, quen sabe se temos no grupo uns futuros actores ou actrices.

A RATIÑA ZOECIÑA

A ratiña Zoeciña é un libro escrito polo tío de dous alumnos de 1º de ESO que tivo a amabilidade de regalar un exemplar para a nosa biblioteca. Conta a historia dunha ratiña que quere escapar da súa casa e o pai ten medo de que o gato a coma.

O libro está escrito en varios idiomas (galego, inglés, castelán, euskera, catalán, portugués) Ademais é solidario, coas ganancias fárase un pozo en África.

Os sobriños do autor, que pertencen ao Club de Lectura de Ciencia-ficción e Obradoiro de Cómic, posan co libro do seu tío.

SAÍDA AO TEATRO

O luns 14 de xaneiro, o alumnado de 1º de ESO e de 3º PMAR asistiron a unha representación teatral da obra "La vuelta al mundo en 80 días"no teatro Salesianos de Vigo. Os rapaces e rapazas de 1º de ESO e de 3º de PMAR leran o libro na clase, polo que puideron comprobar se a representación  reproducía fielmente a obra.

FESTA DE NADAL

O xoves 20 de decembro despedimos o primeiro trimestre cunha festa do Club de Lectura na Biblioteca. Os rapaces e rapazas o pasaron xenial bailando ao ritmo da música. Nestas fotos podedes comprobalo.

FELIZ NADAL PARA TODOS

  

 

 

CONCURSO DE REDACCIÓN "O MONTE NACE NA ESCOLA"

O xoves 19 de decembro procedemos a entregar o premio ao concurso de redacción "O monte nace na escola. As gañadoras son dúas integrantes do Club de Lectura. Parabéns para elas.

O 1º Premio foi para Nerea González Lira de 1º ESO B, integrante do Club de Lectura de Ciencia-ficción. Recibiu un vale de 30 euros para libros e material escolar que pode trocar nunha librería de Arbo. Tamén foi obsequiada cunha libreta e unha axenda.

O 2º Premio foi para Aroa González Fernández de 2º ESO B, integrante do Club de Lectura de Teatro. Recibiu un vale de 20 euros para libros e material escolar que pode trocar nunha librería de Arbo. Tamén foi obsequiada cunha libreta e unha axenda.

Nerea tamén resultou gañadora do Premio a mellor lectora. 

SAÍDA AO CINE

O alumnado do Club de Lectura asistiu o mércores 19 de decembro a unha sesión de cine. A película escollida foi: Animales fantásticos: Los crímenes de Grindelwal.

Nesta foto podedes ver ao alumnado posando diante da árbore de nadal do centro comercial.

Aquí estamos diante da porta do cine esperando para entrar.  

 Esperando o comezo da película. 

 Cando finalizou o filme todos saímos contentos porque a película foi espectacular. 

CLUB DE LECTURA DE CÓMIC

Os alumnos de Lectura de Cómic posan co libro de Pyongyang, a obra que están lendo neste trimestre. 

 

CLUB DE LECTURA DE LITERATURA DE CIENCIA FICCIÓN

As alumnas dun dos dous Clubs de Lectura de Ciencia Ficción posan para a cámara co libro que están lendo: "Alto como una torre, ancho como el mar" de Tonke Dragt.

O outro grupo de ciencia ficción ensina o libro que están lendo: "Mutacións xenéticas" de Fina Casalderrey.

CELEBRACIÓN DO DÍA INTERNACIONAL CONTRA A VIOLENCIA DE XÉNERO

O día 26 de novembro, o alumnado e profesorado do IES Pazo da Mercé das Neves acudiu a praza do concello para conmemorar con outros centros de ensino da vila o día internacional contra a violencia de xénero.

Neste enlace da biblioteca do noso centro podedes ver fotos e un vídeo da celebración.

Algúns alumnos e alumnas do club de lectura participaron nos actos.

Lara Álvarez do Club de Lectura de Literatura Feminista leu un texto relativo ao maltrato adolescente.

 Outro alumno do Club de Lectura de Cómic participou tamén na celebración.

Alumnado de 2º de ESO do Club de Teatro e Cómic portando un cartel reivindicativo.

 Outros alumnos e alumnas dos distintos Clubs de Lectura len mensaxes contra a violencia de xénero.