MELLOR CLASE LECTORA 1º TRIMESTRE

O alumnado de 2º ESO PMAR, que pertence ao Club de Lectura, recibiu un agasallo por ser a mellor clase lectora deste trimestre. Na foto posan na biblioteca. Faltan dúas alumnas que recibirán o seu agasallo cando se incorporen ás aulas.

PARABÉNS!

CLUB DE LECTURA DE NOVELA 2

O alumnado do Club de Lectura de novela 2 reúnese para comentar o libro: Cartas a Leonor de Rosa Huertas. Posan para a foto acompañados da coordinadora do Club.

SAMAÍN 2022

O alumnado de 2º PMAR, que pertence ao Club de Lectura, adorna a Biblioteca para o Samaín.

Na celebración do Samaín, alumnado do Club posa para a cámara cos seus disfraces.

O alumnado do ciclo de FPB2, que pertencen ao Club de Lectura, fixo unhas postais de Samaín en diversas linguas. As mellores resultaron preimadas.

CLUB DE LECTURA MANGA 3

O alumnado do Club de Lectura de Manga 3 reúnese para comentar os primeiros libros do Cómic que están lendo: A Silent Voice. 

ALUMNADO FPB1

O alumnado de FPB1 posa para a foto. Este alumnado está incluído no Club de Lectura e as reunións celébranse os xoves a 5ª e 6ª hora na Biblioteca coa súa profesora de Comunicación e Ciencias Sociais. Acabaron de ler o libro: Atranco no banco de Manuel Núñez Singala e agora escolleron un libro cada un e nas próximas semana farán lectura libre. 

CLUB DE LECTURA FEMINISMO

O alumnado do Club de Lectura de Feminismo reúnese para recoller o libro que imos ler neste trimestre: Carta de una desconocida. Posan para a foto acompañados da coordinadora do Club.

CLUB DE LECTURA TEATRO

O alumnado do Club de Lectura de Teatro reúnese para ler e interpretar a obra de teatro: La visita del inspector. Posan para a foto acompañados da coordinadora do Club.

DÍA DA BIBLIOTECA

Ariadna, alumna de 3º ESO B, do Club de Lectura de Manga, foi unha das gañadoras do Concurso: Principios de Novela. Para máis información podedes entrar no seguinte enlace.

Noraboa!

DÍA DAS ESCRITORAS. CLUB DE LECTURA FEMINISTA.

No noso Centro o alumnado do Club de Lectura de Feminismo de 3º ESO B realizou unha representación disfrazados das protagonistas das súas novelas preferidas, falaron delas e das creadoras que as fixeron posibles. 

O alumnado traballou moitísimo na preparación desta actividade, prepararon os textos, buscaron os traxes, ensaiaron e gravaron o vídeo. Foron ás clases de 1º, 2º e 3º de ESO e realizaron a súa representación. Tiveron moito éxito.  

Aquí tedes un vídeo coa representación e un conxunto de fotos do evento.

As alumnas do Club de Lectura de Feminismo de 3º ESO A realizaron uns carteis coas súas escritoras favoritas, protagonistas da representación que levou a cabo o alumnado de 3º B.

CLUB DE LECTURA MANGA 2

O alumnado do Club de Lectura de Manga 2 reúnese para comentar os primeiros libros do Cómic que están lendo: Metamorfosis BL. Posan para a foto acompañados da coordinadora do Club.

CLUB DE LECTURA DE MANGA 1

O alumnado do Club de Lectura de Manga 1 reúnese para comentar os primeiros libros dos Cómics que están lendo: Yotsuba, Guardianes de la noche. Posan para a foto acompañados da coordinadora do Club. 

CLUB DE LECTURA DE POESÍA

No Club de Lectura de Poesía, o alumnado lerá poemas musicados de varios autores. A continuación deixamos dous exemplos.

Palabras para Julia de José Agustín Goytisolo.

Interpretación de Paco Ibáñez.

Cantiga: Eu velida non durmía. Versión de Amancio Prada.

CLUB DE LECTURA DE NOVELA 1

O alumnado do Club de Lectura de novela 1 reúnese para comentar os primeiros capítulos do libro: Cómo robe la manzana más grande del mundo de Fernando Lalana. Posan para a foto acompañados da coordinadora do Club.

O alumnado está moi contento co libro escollido e ademais recibirán a visita do autor no mes de marzo.

LECTURAS DO PRIMEIRO TRIMESTRE

No primeiro trimestre lemos os seguintes libros:

Teatro: La visita del inspector. J.B.Priestley.

Un inspector de policía preséntase no domicilio da familia Birling, interrompe a animada cea con que celebrar o compromiso matrimonial de Sheila e indaga a implicación dos comensais no suicidio dunha rapaza. A obra desenvolve unha trama que progresa como un mecanismo de reloxería na que o habilísimo manexo do suspense non consegue sufocar unha mensaxe de profundo calado moral: todos formamos parte do mesmo corpo social e somos responsables do que lles sucede aos demais.

Novela grupo 1: Cómo robé la manzana más grande del mundo. Fernando Lalana.

Convalecente da epidemia de 1967, a miña familia envioume para recuperarme a Congedo, a vila da miña avoa Maravillas. Alí descobrín que unha estraña maldición estaba matando o val e que a culpa parecía se do señor Emilka, o tipo máis misterioso e sinistro que podades imaxinar. Iso si, tiña un coche moi bonito e lle encantaban as películas de Tarzán. 

Novela grupo 2: Cartas a Leonor. Rosa Huertas.

Lola ten quince anos, moitas ganas de comerse o mundo e poucas de aguantar á súa familia.

Pero a pandemia pon a súa vida do revés… Da noite para a mañá, a súa avoa trasládase a vivir á súa casa e Lola pasa moitas tardes con ela; ao principio, sen ganas. A avoa comezou a esquecer e non quere que o seu gran e secreta historia de amor caia no esquecemento. Por iso, cada día cóntalle a Lola os recordos da súa vida, para que con ela a súa historia continúe viva. E Lola descobre moitas cousas da súa avoa, como a súa fascinación por Campos de Castela, de Antonio Machado.

Literatura feminista: Más allá de Austen. Ana Cemborain Pérez e Cristina Blanco Vázquez.

Nunha sociedade marcada pola literatura exclusivamente masculina, un grupo de mulleres desafiou as normas escritas e marcou un novo horizone que se prolongou ata hoxe. Jane Austen foi só a primeira de moitas outras escritoras que hoxe se converteron en lendas. 

Este libro traza unha viaxe por todas aquelas que superaron esa sensibilidade romántica e plasmaron as súas preocupacións persoais en novelas memorables. A través de retratos acompañados de ilustracións simbólicas, descubrimos como o tormento de Mary Shelley, a sinceridade de Alcott ou a impotencia das irmás Brontë converteron a súa vida e a súa literatura nun legado inesquecible.

Dez vidas cheas de desgrazas, obstáculos e angustias que, grazas ao seu talento para escribir, se alzaron como grandes profesores de literatura.

Carta de una desconocida. Stefan Zweig.

Un afamado e mullereiro escritor non recoñece a caligrafía da carta que recibe unha mañá. Para a súa sorpresa, a remitente é unha muller desesperada disposta a declararlle antes de morrer o seu amor secreto, e case obsesivo, escondido durante moitos anos.

Manga 1: Neste trimestre lerán 2 series.

Manga 2: Neste trimestre lerán.

Manga 3: Neste trimestre leran.

Poesía. Antoloxía de poemas de varios autores.

O alumnado do Club de Lectura de poesía lerá varios poemas musicados de diversos autores. 

Literatura 2º PMAR. Os vellos non deben de namorarse. Castelao.

Os amores de anciáns e rapazas, un tema popular para unha farsa de gran influencia no teatro galego.
Preparada por Manuel Rosales, Os vellos non deben de namorarse é unha excelente mostra das ideas e das capacidades teatrais de Castelao, que logrou plasmar nesta peza un mundo escénico no que a tradición popular galega avivece en contacto coas tendencias renovadoras do teatro europeo. Pedra angular da literatura dramática galega, a popularidade desta fermosa obra non deixou de medrar desde a súa estrea en Bos Aires no ano 1941. Chega agora esta versión dentro da Edición do cincuentenario, ilustrada coas láminas en branco e negro e en cor elaboradas polo propio Castelao.

Literatura FPB1. Atranco no banco. Manuel Núñez Singala.

Hai atracos e hai atracadores, pero poucos tan zoupóns, trapalleiros e inútiles como os que tentan roubar o banco nesta divertida comedia que tes nas mans, como non podía ser doutra maneira se o autor é Manuel Núñez Singala.

Un dúo de ladróns sen vocación, un director de banco máis delincuente que os propios atracadores, unha secretaria que parece inxenua pero non o é tanto. Personaxes que fían unha disparatada trama na que a risa está máis que garantida.

E tamén, como é norma do autor, unha obra que nos vai facer pensar, entre gargallada e gargallada, aínda que só sexa un pouquiño.

Literatura FPB2. Cada alumno escolleu un libro diferente.